Tetor 18, 2019

reklama kryesore bar
reklama kryesore bar

Presidenti Meta jep sinjale për shpërndarjen e kuvendit: Do bëj çdo gjë që vendi të normalizohet

Presidenti Meta jep sinjale për shpërndarjen e kuvendit: Do bëj çdo gjë që vendi të normalizohet

KMA NEWS / Presidenti Meta jep sinjale për shpërndarjen e kuvendit: Do bëj çdo gjë që vendi të normalizohet

Ilir Meta është shprehur sot I bindur se do mbyll mandatin e tij të plotë si President dhe se do qëndrojë në zyrë deri në 22 korrik të vitit 2022. I ftuar në emisionin “Opionion” në Tv Klan, Meta foli për herë të parë për shpërndarjen e Parlamentit, duke thënë se do bëj çdo gjë për të futur Shqipërinë në shina kushtetuese.

Zoti President ju do të qëndroni në detyrë deri në fund të mandatit tuaj?

Deri më 24 korrik 2022 jam këtu zoti Fevziu, dhe sa herë të kemi mundësi të bëjmë intervista, të ndjekim zhvillimet.

Po nëse Parlamenti ju shkarkon?

Tani nuk po iu jap përgjigje nëse Parlamenti çmendet, sepse nuk është se s’ka pasur edhe momente të tilla. Por duhet të jeni të qartë që dhe në rast se Parlamenti e ka këtë dëshirë, nuk është thjeshtë vetëm te Gjykata Kushtetuese, por Parlamenti ka vetëm 82 vota plotësisht legjitime për të gjykuar Presidentin e Republikës së Shqipërisë. Referohuni deklaratës sime në Pogradec, sepse ju mendoni ndonjëherë se kur ngre tonin humbas kontrollin, por nuk është kështu. Dua thjesht të thyej ndonjë herë monotoninë.

code it albaniaZoti Meta a e keni menduar ndonjëherë shpërndarjen e Parlamentit?

Unë do bëj çdo gjë që vendi të normalizohet sa më shpejt, siç e kam bërë në mënyrë të vazhdueshme. Unë do të sillem gjithmonë si President i Republikës së Shqipërisë, si një shtet i së drejtës dhe jo si një shtet i propagandës.

Që përfshin edhe shpërndarjen e Parlamentit? Se ju nuk e quajtët legjitim vetëm 82 vota ka, thatë.

Unë ju thashë që 82 vota janë legjitime për të gjykuar Presidentin e Republikës. Kaq! Në qoftë se me 82 vota legjitime mjafton gjykimi i Presidentit të Republikës, le ta bëjnë kur të duan. Por tjetra, keni parasysh që unë jam betuar për të mbrojtur Kushtetutën e Republikës së Shqipërisë. Dhe kjo do të thotë që unë jo vetëm që do sillem si President i Republikës së Shqipërisë, por në fund fare dhe si Presidenti i të gjithë shqiptarëve, jo shqipfolësve.

Meta deklaroi edhe disa detaje në lidhje me reagimin që do të ketë sot në lidhje me draft-opinionin për Komisionin e Venecias.

Meta tha, se Komisioni i Venecias ka tejkaluar kompetencat e saj, ndërsa shtoi se këtë gjë do ta sqarojë nesër.

“E para, ka tejkaluar Venecia kompetencat e saj dhe do e shihni nesër, do e dëgjoni nesër. Është shumë e sigurt. Nuk ekziston termi tejkalim në Kushtetutën e Republikës së Shqipërisë. Ekziston shkelje dhe shkelje e rëndë dhe presidenti shkarkohet për shkelje të rëndë dhe krim”, tha Meta

“Zero… Në Kushtetutën e Shqipërisë është shumë e qartë se i vetmi institucion që cakton zgjedhjet është presidenti. Kushtetuta është një dokument jashtëzakonisht i rëndësishëm me të cilën nuk mund të luaj askush. Parimi kryesor i kushtetues sonë është pluralizmi politik”, u shpreh Presidenti.

About The Author

Related posts